ႁူဝ်ၶေႃႈၵၢၼ်ႁဵၼ်းတႃႇၸုမ်ႈၶူး MA

တႃႇၸုမ်ႈၶူးMA ၼႆႉ မီး 12 ဝိၶျႃး မိူၼ်ၸိူင်ႉၼင်ႇ ဢၼ်ၼႄဝႆႉ ပႃႈတႂ်ႈၸိူဝ်းၼႆႉယဝ်ႉ-

1. ပႃႇလိထၢၼ်ႈသုင်၊

2. လဵပ်ႈႁဵၼ်ႈပိုၼ်းၼႂ်းလိၵ်ႈလူင်၊

3. လဵပ်ႈႁဵၼ်းၽႃႇဝၼႃႇၵၢၼ်ၵမ်ႇမထၢၼ်း ၼႂ်းလိၵ်ႈလူင်၊

4. လဵပ်ႈႁဵၼ်းဝိၼယပိတၵတ်ႈ၊

5. လဵပ်ႈႁဵၼ်းသုတ်ႉတပိတၵတ်ႈ၊

6. လဵပ်ႈႁဵၼ်းဢၽိထမ်ႇမပိတၵတ်ႈ၊

7. ၶေႃႈထၢမ်တွပ်ႇ ၼႂ်းမိလိၼ်ႇတပၺ်ႁႃ၊

8. လဵပ်ႈႁဵၼ်းထမ်းပုတ်ႉထၸႂ်ႉတိုဝ်းၼႂ်း ၽဝၵူႈဝၼ်း၊

9. ၽိင်ႈထုင်းထေႇရဝႃႇတပုတ်ႉထၽႃႇသႃႇ၊

10. ဢဝ်ထမ်းပုတ်ႉထသင်ႇသွၼ်ၸႂ်၊

11. Study Skills and Research Methodology

12. Buddhist English

ၽူႈၸိူဝ်းလႂ် တၢင်ႇလဝ်ႈ ၶဝ်ႈပဵၼ်လုၵ်ႈႁဵၼ်း ၸၼ်ႉၶူး ႁွဵ လိၵ်ႈလူင်ၼႆႉလႆႈ?

တႃႇၶဝ်ႈလဵပ်ႈႁဵၼ်းဢဝ် ၸုမ်ႈၶူး MA ၼႆႉ တေလႆႈပဵၼ်လုၵ်ႈႁဵၼ်း ဢၼ်ႁပ်ႉလႆႈၸုမ်ႈၶူး BA လိၵ်ႈလူင် တီႈၸၼ်ႉၸွမ်ပုတ်ႉထမိူင်းတႆး၊ သမ်ႉထႅင်ႈ ပဵၼ်လုၵ်ႈႁဵၼ်း ဢၼ်လႆႈၸုမ်ႈၶူး BA တၢင်ႇၸၼ်ႉၸွမ်လႄႈ ၸုမ်ႈၶူးသႃႇသၼထၸထမ်ႇမႃႇၸရိယ၊ လူဝ်ႇမီးထႅင်ႈလွင်ႈလူင်ႉလႅၼ်ႇ လိၵ်ႈလူင်လႄႈ လိၵ်ႈမၢၼ်ႈ လိၵ်ႈဢိင်းၵလဵတ်ႈ မေႃတႅမ်ႈ မေႃလူလီလီ၊ ပေႃးမီးၼမ်ႉၵတ်ႉၸိူဝ်း ၼႆႉ သေဢၼ်ဢၼ်ၸိုင် တၢင်ႇၽိုၼ်လဝ်ႈ ၶဝ်ႈလဵပ်ႈႁဵၼ်းဢဝ်ၸုမ်ႈၶူး MA လႆႈယဝ်ႉ။ 

ပိူင်ထတ်းၼမ်ႉၵတ်ႉလုၵ်ႈႁဵၼ်း

ပိူင်ထတ်းလုၵ်ႈႁဵၼ်းၶဝ်ၼႆႉ ၸၢင်ႈႁဵတ်းႁႂ်ႈမီးၼမ်ႉၵတ်ႉ ၼႂ်းၽၢႆႇလိၵ်ႈလၢႆးမႃးယဝ်ႉ၊ ၼႂ်းပိူင် ထတ်းၼမ်ႉၵတ်ႉ ၽၢႆႇလဵပ်ႈႁဵၼ်းလိၵ်ႈလူင်ၼႆႉ ပႃးဝႆႉ လွင်ႈႁုပ်ႈၵႅပ်ႈလိၵ်ႈ၊ လွင်ႈတႅမ်ႈဢႅတ်ႉ သေးပွတ်း၊ လွင်ႈတႅမ်ႈဢႅတ်ႉသေးယၢဝ်း၊ လွင်ႈတႅမ်ႈလိၵ်ႈလင်ႇၵႃႇ၊ တႅမ်ႈ ISP လႄႈ Dissertation၊ လွင်ႈၶိုၼ်ႈႁွတ်ႈပၢင်သွၼ်ၵူႈဝၼ်းလႄႈ လွင်ႈတႅမ်ႈတွပ်ႇလိၵ်ႈ၊ ၼႂ်းပိူင်ထတ်း ၼမ်ႉၵတ်ႉၸိူဝ်းၼႆႉ လွင်ႈတႅမ်ႈတွပ်ႇလိၵ်ႈၸမ်ႉ ပဵၼ်တႃႇဝိၶျႃးပႃႇလိၵူၺ်းယဝ်ႉ။

ၽိုၼ်လိၵ်ႈၵမ်ႉ ဢၼ်တေလႆႈသူင်ႇမႃး မိူဝ်ႈတေတွပ်ႇၶဝ်ႈၸၼ်ႉၸွမ်-

1. တေလႆႈတႅမ်ႈမႃး လင်ႇၵႃႇယၢဝ်း 16-20 ပႅၵ်ႈ၊ လင်ႇၵႃႇ ပွတ်း 60-70 ပႅၵ်ႈ၊

2. ၽိုၼ်လိၵ်ႈသုၼ်ႇတူဝ် ဢၼ်သပ်းလႅင်းၼႄ လွင်ႈၸဝ်ႈၵဝ်ႇသူၼ်ၸႂ် ၶႂ်ႈၶဝ်ႈႁဵၼ်း ဢဝ်ၸုမ်ႈၶူး MA လိၵ်ႈလူင်လႄႈ တႅမ်ႈၼႄပႃး ပိုၼ်းၵႅပ်ႈ တင်းတူဝ်ထူပ်းၸဝ်ႈၵဝ်ႇ။

3. ၽိုၼ်မိူၼ် ဝႂ်ဢွင်ႇလိၵ်ႈ ျဵ ဢမ်ႇၼၼ် ဝႂ်ဢွင်ႇထမ်ႇမႃႇၸရိယ။

4. လိၵ်ႈၵမ်ႉၸၼ်ႉၸွမ် ဢမ်ႇၼၼ် ၸဝ်ႈ ၼင်ႈၵျွင်း တီႈဢၼ်ႁဵတ်းၶူးသွၼ် ဢမ်ႇၼၼ်  ႁူဝ်ပဝ်ႈဝၢၼ်ႈ/ပွၵ်ႉ။

5. ဝႂ်ၵူတ်ႇၸႅတ်ႈပၢႆးယူႇလီ။

6. ၽိုၼ်မိူၼ်ဝႂ်ၵပ်းတူဝ်။

ဝၼ်းႁပ်ႉၽိုၼ်တၢင်ႇလဝ်ႈလိုၼ်းသုတ်း-

ၽူႈဢၼ်သူၼ်ၸႂ်တၢင်ႇလဝ်ႈၶဝ်ႈႁဵၼ်းၼၼ်ႉ ၶႅၼ်းတေႃႈ သူင်ႇၽိုၼ်တၢင်ႇလဝ်ႈမႃး ၸဝ်ႉ ၸဝ်ႉၸဵဝ်းၸဵဝ်း ၵႃႈၼင်ႇပဵၼ်လႆႈသေၵမ်း၊ ဝၼ်းႁပ်ႉၽိုၼ်တၢင်ႇလဝ်ႈ လိုၼ်းသုတ်းၸမ်ႉ ပဵၼ် လိူၼ်ၽေႇၽေႃႇဝႃႇရီႇ ဝၼ်းထိ 1 ပီ 2025 ၼီႈ။

ပၵ်းယဵမ်ႈဝၼ်းၶၢဝ်းယၢမ်းၵၢၼ်ႁဵၼ်း

1. ၶၢဝ်းယၢမ်းႁဵၼ်းထိူမ်းၼိုင်ႈ- လိူၼ် May တေႃႇထိုင် လိူၼ် July ၼႆႉ တေလႆႈၶိုၼ်ႈ ႁဵၼ်း။

2. ၶၢဝ်းယၢမ်းႁဵၼ်းထိူမ်းသွင်- လိူၼ် August  တေႃႇထိုင် လိူၼ်October ၼႆႉ တေလႆႈၶိုၼ်ႈ   ႁဵၼ်း။

3. ၶၢဝ်းယၢမ်းႁဵၼ်းထိူမ်းသၢမ်- လိူၼ် December တေႃႇထိုင်လိူၼ် February ၼႆႉ တေလႆႈ တႅမ်ႈလိၵ်ႈလူင် ဢမ်ႇၼၼ် လိၵ်ႈပွင် ISP/ dissertation။ 

ၵႃႈၸႂ်ႉၸၢႆႇ တီႈယူႇလႄႈ လွင်ႈၵိၼ်ယႅမ်ႉ

လုၵ်ႈႁဵၼ်းၶဝ် ၸိူဝ်းၶဝ်ႈမႃးသွၼ်ဢဝ်ပၺႃႇၸမ်ႉ ၵႃႈယူႇသဝ်းလႄႈ ၵႃႈၵိၼ်သုင်း ဢမ်ႇလႆႈ ပၼ်၊ ႁူမ်ႈဝႃႈၼၼ်ၵေႃႈ ၵႃႈၸႂ်ႉၸၢႆႇ ပႃႈတႂ်ႈၸိူဝ်းၼႆႉတႄႉ တေလႆႈပၼ်ယဝ်ႉ-

1. လွင်ႈၸႂ်ႉၸၢႆႇ သႂ်ႇသဵၼ်ႈမၢႆလုၵ်ႈႁဵၼ်း။

2. ၵႃႈႁူင်းတူၺ်းလိၵ်ႈလႄႈ ၵႃႈသၢႆႈ (ပေႃးဢဝ် ပပ်ႉယွၵ်း/ပပ်ႉႁၢႆ)။

3. ၵႃႈထႆႇၽိုၼ်မိူၼ် လႄႈ ထုၵ်ႈလိၵ်ႈ။

4. ၵႃႈၸႂ်ႉၸၢႆႇ ပုၼ်ႈတႃႇ ဢွၵ်ႇၶၢဝ်းတၢင်းလဵပ်ႈ ႁဵၼ်းၶူၼ်ႉၶွႃႉ။

5. ၵႃႈၸႂ်ႉၸၢႆႇႁပ်ႉၸုမ်ႈၶူး။

မၢႆတွင်း

1. ပေႃးဝႃႈထႅမ်ၽွမ်ႇလႄႈ မီးလိၵ်ႈၵမ်ႉ တဵမ်ထူၼ်ႈယဝ်ႉၸိုင် ထုၵ်ႇလီသူင်ႇထိုင် တီႈလုမ်းၽၢႆႇ ႁပ်ႉလုၵ်ႈႁဵၼ်း ၸၼ်ႉၸွမ်ပုတ်ႉထမိူင်းတႆး၊ ဝၼ်းလိုၼ်းသုတ်း ပဵၼ်လိူၼ် ၽေႇၽေႃႇဝႃႇရီႇ ဝၼ်းထိ 1 ပီ 2025 ၼီႈ၊ ပေႃးတူၵ်းလိုၼ်း ဝၼ်းၼႆႉၸိုင် ဢမ်ႇၸၢင်ႈႁပ်ႉဢဝ် ၶဝ်ႈပဵၼ် လုၵ်ႈႁဵၼ်းလႆႈ။

2. လၢႆးသူင်ႇၽိုၼ်တၢင်ႇလဝ်ႈသွင်ပိူင်-

   -သူင်ႇၸွမ်း email:

      admission@ssbu.edu.mm

    - မၢႆၽူင်း 081-2125674   

   -သူင်ႇၸွမ်းပုင်းလိၵ်ႈ (စာတိုက်)

     ကျောင်းသားလက်ခံရာဌာန၊

     ရှမ်းပြည်နယ်ဗုဒ္ဓတက္ကသိုလ်၊

     ဘုရားဖြူရပ်ကွက်၊ ပညာဗောဓိလမ်း၊

     တောင်ကြီးမြို့၊ ရှမ်းပြည်နယ်။

3. သင်ဝႃႈၶေႃႈမုၼ်း ပိူင်လဝ်ႈၶဝ်ႈႁဵၼ်း ဢမ်ႇတဵမ်ထူၼ်ႈၸိုင် ဢမ်ႇၸၢင်ႈၽိတ်ႈမွၵ်ႈ ၶဝ်ႈ တွပ်ႇပဵၼ်လုၵ်ႈႁဵၼ်းလႆႈ။

ဝၼ်းတွပ်ႇၶဝ်ႈလႄႈတွင်ႈထၢမ်

ၽူႈဢၼ်လႆႈထုၵ်ႇလိူၵ်ႈ ၶဝ်ႈႁဵၼ်းဢဝ် ၸုမ်ႈၶူး တီႈၸၼ်ႉၸွမ် ပုတ်ႉထမိူင်းတႆးၼၼ်ႉ တေလႆႈ ထုၵ်ႇၽိတ်ႈမွၵ်ႇမႃး တွပ်ႇၶဝ်ႈလႄႈ တွင်ႈထၢမ် ၼႂ်းလိူၼ် ႁွမေၶႆ ဝူင်ႈထီႉၼိုင်ႈ ပီ 2025 ၼီႈ၊ တီႈပၢင်တွပ်ႇလိၵ်ႈၼၼ်ႉ ၽူႈဢၼ်တေၶဝ်ႈပဵၼ် လုၵ်ႈႁဵၼ်း တီႈၸၼ်ႉၸွမ်ၼႆႉ တေလႆႈတွပ်ႇ ၶေႃႈထၢမ်ဢၼ် ၵပ်းၵၢႆႇလူၺ်ႈပိုၼ်ႉႁူႉ ပႃႈတႂ်ႈ ၸိူဝ်းၼႆႉယဝ်ႉ-

1. ႁႂ်ႈႁေႃးၼႄ လႄႈ သပ်းလႅင်း ထတ်းသၢင် ၼႄ လိၵ်ႈလင်ႇၵႃႇ ဢၼ်ၸဝ်ႈၵဝ်ႇသူင်ႇမႃး၊

2. တၢင်းႁူႉထမ်းပိတၵၢတ်ႈ၊

3. လိၵ်ႈမၢၼ်ႈၵႂၢမ်းမၢၼ်ႈ၊

4. ၽႃႇသႃႇပႃႇလိ၊

5. ပိုၼ်ႉထၢၼ်လိၵ်ႈဢိင်းၵလဵတ်ႈ၊